Моделите што веќе ги подготви Министерството за образование ќе бидат разгледани уште еднаш на следниот состанок со Комисијата за заразни болести. Планот на Министерството за образование за реализација на образовниот процес во пандемијски услови содржи три модели: организирање на настава со физичко присуство на учениците, учење од далечина и комбиниран концепт на реализација на наставата. Во текот на следниве денови се очекува конечна одлука на Министерството за образование околу моделот на следење на наставата и запознавање на учениците со безбедносните протоколи за заштита од вирусот Ковид 19.